യുവ തിരക്കഥാകൃത്ത് പ്രഫുൽ സുരേഷ് (39) ഹൃദയാഘാതത്തെ തുടർന്ന് അന്തരിച്ചു.

നല്ല നിലാവുള്ള രാത്രി എന്ന ചിത്രത്തിലൂടെ ശ്രദ്ധേയനായ യുവ തിരക്കഥാകൃത്ത് പ്രഫുൽ സുരേഷ് (39) ഹൃദയാഘാതത്തെ തുടർന്ന് അന്തരിച്ചു. വയനാട് പഴയ വൈത്തിരി സ്വദേശിയായ അദ്ദേഹം കോഴിക്കോട് കിർതാഡ്‌സിലെ ജീവനക്കാരനായിരുന്നു. പുതിയ രണ്ട് സിനിമകളുടെ തിരക്കഥ പൂർത്തിയാക്കി പ്രോജക്റ്റുകൾ ആരംഭിക്കാനിരിക്കെയാണ് അന്ത്യം സംഭവിച്ചത്; പരേതനായ ഡി. സുരേഷിന്റെയും സുശീലയുടെയും മകനായ പ്രഫുലിന്റെ ഭാര്യ അനുരൂപ കോഴിക്കോട് കക്കാട് ജി.എൽ.പി.എസ് അധ്യാപികയാണ്.